Гьар макътавлар яратгъаным ТЕНГИРге!

КЪУМУКЪ ИШ

Кумукские проблемы. Независимое издание

№ 13, Июль 1993 г.

Не зат яман? - Ятгъан улан.
Не зат яхшы? - Къатгъан улан!

Къумукъ халкъны азатлыкъ гъаракаты тамурлашды ва къатты эмен терек болуп оьсежек. Нече де ярайгъан эренлер ва къатунлар арагъа чыгъып, политика толкъунларда исси ва сувукъгъа тарып, мечни отундагъы темир йимик чыныгъа бара.

Амма бугюнгю яшав ким кимдир? деген соравгъа жавап берип, ачыкъ суратлар гёрсетеген сигьручу гюзгю йимик.

Огь, нече де ашгьарам уланларда гёрюне шо гюзгюде! Гьапюк, напас, папайчы, шорпачы, лакъай.

Олар биле - къоччакълар, жагьчылар гёзге гёрюнмейген тамаша бир ругь савгъатгъа ес болуп къанатланагъанны.

Оьзлер буса шолар шо ругь савгьатдан толу кюйде магьрюм. Машин де бар, уьй де бар, тегиш сыпаты да, теберген къурсагъы да. Амма нетерсен, баркаман бар, баракалла ёкъ. Къайда шунда магъа ер деп, сыдралагъа гелип гирегенни орнуна, агъулангъан гюнчюлюкню позициясын тута.

Бугюнлерде мен шолай жагьил адам булан ёлукъдум. Оъзю де семиз, дёгерек, къара сыпатлы. «Къумукъ ИШ» газетни макътап йиберди шонда башгъа жагьиллер. Олагъа къаршы туруп, шо «Дёгерек Улан», бек къазапланып, чекеленип йиберди:

- Дюр гьали, дуньяны тюз этер, - деп, сонг тувра магъа сорав берди: - Не язасыз шонда, не масъалаланы гётересиз?

- Я, биринчилей газетни охумагъа герек. Она газет киоск, барып ал, оху, сонг сёйлейик.

- Охумайман, не тарыкъ магъа шо аврумайгьан башымны аврутмагъа.

- Охумасанг, жанынг къалсын гьасирет. Амма мен сени «не язасыз шонда» деген соравунга жавап берейим.

Шулай язабыз:

Ашгьарам уланлар бар

Халкъгъа гьайы етмейген,

Къурсагъындан къайры гьеч

Затгъа къуллукъ этмейген.

Ибрагим БАММАТУЛИ

Размещено на сайте 26.07.2010

на верх