Гьар макътавлар яратгъаным ТЕНГИРге!КЪУМУКЪ ИШКумукские проблемы. Независимое издание | 
|
№ 5, Июнь 1991 г.
Сакъалы акъ болгъан учун акъсакъал болмай
Къазанышдан ювукъдагъы бир юртда Акъсакъал Дуван олтургъан. Таныш бола шолар булан Даниял Денгизов. Биревге етгенде тамаша болуп Юрт Советни председателине сорай:
— Шу гиши неге шунда олтургъан?
— Багь, сакъалы акъ, шо саялы къошгъанбыз.
— Я, бу гиши ярамай. Жагьилинде нарт болгъан, сонг абурлу къарт болгъан деп эшитмеген бусан?
Бу чу, дав заманда сувукъдан оьлеген етимлеге яркъыч агъач бермеген бригадир. Оьзю де шо яракъсыз жанын аяп, давдан баш къачыргъан. Къайда, гёрсет гьали иман бармагъынгны. Ёкъ! Оьзю балта булан гесип къойгъан эди. Тюсевлю о Герман давну айтмайман. Не дав буса да, яшынажакъ шулайлар, гележекде ва бугюнлерде, ягъалагъа герти душман гелсе де.
Эсигиздему, хоншу халкъны экстремистлери бир-нече юз болуп юртгъа ябурулуп гелген эди. Номерлери тайдырылгъан автомашинлеге минип гелген эди. Къолунда тапанча, автоматлар булан гелген эди. Мурады – бизин халкъны ругьун, ягьын сёндюрюп, пысдырмакъ эди. «Бизин топуракъ, бизин ватан» - деп эре турмагъыз дей эди.
Олар мурадына етмеди, озокъда, ва етмес. Бар гьали де къалып къурчлу эренлер. Иншааллагь, гюн сайын да артажакъ!
Амма муна шу гиши, бир къолу булан акъ сакъалын да сыйпай туруп, бириси къолу булан эшик, терезени япгъан дей. Уланын да къыргъа чыкъма къоймагъан. Тош берип чыкъгъан ягь-намуслу башгъа уланлагъа барып къошулмагъа къоймагъан. «Бирлери таш, бирлери къоз» болар бугъай, деп айтгъан дей. Не билесен десегиз, муна шу гишини шо эсгерилген уланы оьзю айтып билемен.
Акъ-сакъаллы «Покъсакъал» шо ерде гьитинип йиберип эре тургъан ва сёгюше туруп Акъсакъал Дувандан чыгъып гетген...
— Яхшы этгенмен нече де! Дюр, дунъяны тюзлеп къоярсыз! Яшавгъа от саласыз, она сиз этеген!
Яшавгъа отну ким сала? Шону билмей, оьз халкъына яла ябагъан къумукъдан уллу душман барму бугюн Къумукъ халкъгъа. Къарчакъ тюгюл къоркъач эргишиден эрши, эниш не бола. Амма къоркъач къарт гиши - бу ондан да бир нече къат энишде.
Акъсакъаллары къурч болмагъан юртлагъа бир затдан да умут ёкъ. О къартлар къудуратлы эренлени чайнап чюперекдей этежек.
Гьей, халкъ! Юртларда Акъакъсакъал Дуванлар къурма герек. Амма, вёре, олтуртмагъыз осалланы тёрюде. Бирдагъы айтаман: - Сакъалы акъ болгъан учун Акъсакъкал болмай.
Ибрагьим БАММАТУЛИ
Размещено на сайте 21.05.2010
Еще в этом номере:
- Яз Байрам, Гюз Байрам
- Народ, шутить изволишь?
- Къумукъ намус деген идеология программагъа («Къ. ИШ», № 2) гиччи толумлукъ
- Яшыл тавум – яйлавум, сари чёлюм – къышлавум
- «БУРЧАКъ» - наш, «ШОРПА» – наш, «БУРЧАКЪ ШОРПА» ваш что ли?!
- Деньги на бочку! (Для философа Абдулатипова)
- А где же ныне воз?
- О «заступниках» и «спасителях»
- Тешди Къыпчакъ
- Они вынесут решение
- Люди, фосфаты, керамзит
Комменатарии
Разделы
Ссылки
