Гьар макътавлар яратгъаным ТЕНГИРге!

КЪУМУКЪ ИШ

Кумукские проблемы. Независимое издание

№ 4, Май 1991 г.

«Демократлы Туркестан учун» - Американы ассоциациясы

Къумукъ халкъны хайыр гюню, хадир гюню

Шу рубрика булан биз хас материаллар бережекбиз:
- Къумукъ халкъны бирлиги;
- Тюрк халкъланы бирлиги;
- Къатнашып-сыълашып хадир гюнге,
хайыр гюнге етишмек.

Дюр, Вашингтонда муна шулай Къурум тувгъан деп хабар гелди лап артдагъы гюнлерде (радиостанция «Азатлыкъ», Мюнхен). Нече де къуванчлы хабар тюгюлму дагъы!

Гьалиге муна шулай маълуматлар. «Туркестан» деген ат уьйренишли кюйде Орта Азияны аты: Узбекистан, Къазакъстан, Туркменистан, Къыргъызстан, Уйгурстан.

Америка Ассоциацияны къургъан тюрк миллетли къоччакълар Туркестан деген атгъа бары да тюрк халкълы вилиятланы къуршама токъдашгъан. Нечакъы да яхшы гьакъыл, тюрк дуньяны гьалына, мурадына, умутуна тийишлы ва къыйыша.

Тюрк халкълар, не ерде буса да, оьзлени ата-баба адат хазнасына табии болуп яшамагъа ихтияры бар ва шо ихтиярны гьар ерде толу кюйде къайтара къолгъа алмагъа герек - муна шулай деп аслу мурат язгъан дей шо Ассоциация.

Дагъы да булай: дюньядагъы тюрк халкълар бир-бирине аралыкъсыз яшай ва шо душман агьвалатлар гелтирген къарагюн (трагедия). Сайки: шу къарагюнню акъгюнге айландырма герек деп язгъан дей.

Бирдагъы къара гюн: тюрк халкъ оьз ватанларында ятлар йимик харлы яшай ва ярлылыкъгъа тарыгъан. Шу себепден бола Ферганада болгъан йимик къыяматлар, къыргъынлар. (Гертилей, узбеклер къардаш халкъгъа, амалсыз месхетли тюрклеге чабып не гьал салмады!).

Оьз ватанлагъа ес болмакъ ва шо улав къалгъыр ярлылыкъдан тюрк халкъланы башын чыгъармакъ!

Дагъы да, бусурман дунья булан сыкълашмакъ деп де айта. Шуну чу мен онча уьзюрю гёрмеймен. Амма о гьакъда айры лакъырт этербиз.

Халкъны демократ идеялар булан генг кюйде ярыкъламакъ.

Тюрк топуракълагъа тышдан иммиграция бары ерде давам этиле - шону къыркъып токътатмакъ. Ва башгъалары…

«Демократлы Туркестан учун» деген Америка Ассоциация булан биз байлав тутажакъбыз ва, Аллагь Тенгирни кёмеги булан, сизге хабар айтарбыз.

Ибрагьим Ханмав БАММАТУЛИ

Размещено на сайте 23.04.2010

Еще в этом номере:

Комменатарии

на верх

Разделы

Ссылки